Бишімбаевты ұстаған полицейге қатысты қызметтік тексеру жүргізіледі

Салтанат Нүкенова қаза болған күні Қуандық Бишімбаевты ұстауға қатысқан астаналық полицейге қатысты қызметтік тергеу басталды, - деп хабарлайды Tengrinews.kz тілшісі.

Сол кезде ұсталып отырған Бишімбаевқа полиция қызметкері қайтыс болған Салтанат Нүкеноваға қатысты "Она, наверное, сама нозила" ("Ол өзі титығыңа тиген болар" - авт. еск.) деген сөз тіркесін айтады. Бұл реплика бейнежетонға түсіп қалып, 8 сәуірде Қуандық Бишімбаевтың ісі бойынша сот отырысы барысында көрсетілді.

"Осы факт бойынша Астана Полиция департаменті қызметтік тергеу тағайындады. Барлық жағдайлар анықталып жатыр. Нәтиже туралы қосымша хабарланады", - делінген ІІМ-нің осы жағдай бойынша берген жауабында.

Сілтемесіз жаңалық оқисыз ба? Онда Telegram желісінде парақшамызға тіркеліңіз!