+7 (777) 001 44 99
Қазақша
Русский
English
28 мамыр 2024 | 12:02
Бишімбаевтың адвокаты полицияға арыз жазды, тергеу басталды
Бұрынғы ұлттық экономика министрі Қуандық Бишімбаевтың адвокаты Ерлан Ғазымжанов қоқан-лоққыларға байланысты полицияға арыз жазды. Тергеу басталды, - деп хабарлайды Tengrinews.kz тілшісі.
ПОДЕЛИТЬСЯ
Бұрынғы ұлттық экономика министрі Қуандық Бишімбаевтың адвокаты Ерлан Ғазымжанов қоқан-лоққыларға байланысты полицияға арыз жазды. Тергеу басталды, - деп хабарлайды Tengrinews.kz тілшісі.
Соталды тергеуді Астана Сарыарқа аудандық полиция басқармасы жүргізіп жатыр.
"Белгісіз тұлғалардың қорқытуы бойынша Қылмыстық кодекстің 409-бабы 2-бөлігі ("Сот төрелігін жүзеге асыруға немесе соталды тергеп-тексеруге байланысты қорқыту немесе күш қолдану әрекеттері" – еск.) бойынша соталды тергеп-тексеру басталды, - деп хабарлады ІІМ Tengrinews.kz ресми сауалына берген жауабында.
Қазіргі уақытта істің барлық мән-жайларын толық және жан-жақты зерделеуді қамтамасыз етуге бағытталған тергеу әрекеттері жүргізіліп жатыр, оның нәтижелері бойынша процессуалдық шешім қабылданады.
Бұл қылмыс 3 мың АЕК-ке дейінгі мөлшерде айыппұл салу (2024 жылы 11 миллион теңгеден астам) немесе 3 жылға дейін бас бостандығынан айыру/бас бостандығын шектеумен жазаланады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
