Бишімбаевтың сотында Салтанаттың дене жарақаттары бар суреттер көрсетілді

Бүгін Бишімбаев ісі бойынша сот отырысында алқабилерге Салтанат Нүкенованың денесіндегі жарақаттар түсірілген суреттер көрсетілді. Бұл ретте суреттер Бишімбаевпен бірге демалуға барғанда, Мальдив аралында түсірілген, - деп хабарлайды Tengrinews.kz тілшісі.

Суреттерді көрсете отырып, жәбірленушінің адвокаты Жанна Уразбахова алқабилерден Нүкенованың жарақаттарына назар аударуды сұрады.

"Дене жарақаттарына назар аударуды сұраймын. Олар 2023 жылғы ақпанда Мальдив аралдарында түсірілген. Амангелді (Нүкенованың ағасы - еск.) ұсынған Салтанат Нүкенованың суреттерін басып шығардық. Көптеген жарақат анықталды: бетінде, иығында, білегінде, сол жақ иығында үлкен гематом бар", - деді жәбірленушінің адвокаты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!