+7 (777) 001 44 99
Қазақша
Русский
English
06 мамыр 2022 | 17:33
Биыл Алматыда қандай жолдар жөнделеді?
Алматыда жол құрылысы жұмыстары маусымы басталды. Биыл қалада 70 шақырым жаңа жол салынып, 224 көше жөнделеді. Әкімдік жол жамылғысын нақты қай жерде жаңарту жоспарланғанын айтты, - деп хабарлайды Tengrinews.kz тілшісі.
ПОДЕЛИТЬСЯ
Алматыда жол құрылысы жұмыстары маусымы басталды. Биыл қалада 70 шақырым жаңа жол салынып, 224 көше жөнделеді. Әкімдік жол жамылғысын нақты қай жерде жаңарту жоспарланғанын айтты, - деп хабарлайды Tengrinews.kz тілшісі.
Қала билігінің мәліметінше, жөнделген жолдардың жалпы ұзындығы 200 шақырым болады. Сондай-ақ Қайрат, Әлмерек, Алғабас, Ақжар және Шаңырақ-1 шағынаудандарында 70 км жаңа жол салу жоспарланып отыр.
"Бұл жақсы және қанағаттанарлық жағдайдағы қала жолдарының үлесін 86 пайызға жеткізуге мүмкіндік береді. Бүгінгі таңда мердігерлер мен техникалық қадағалау анықталды, облыстық маңызы бар көшелердегі жол жөндеу жұмыстарына дайындық жұмыстары жүргізіліп жатыр, - деді қала әкімдігі.
Қазірдің өзінде облыстық маңызы бар алты көшеде жол жөндеу жұмыстары басталып кетті. Бұл Алданов, Ақтөбе, Айрих және Семятов көшелері, сондай-ақ Абай даңғылы мен Ақсай-2 шағынауданындағы өткел.
Сондай-ақ, Әл-Фараби даңғылын жөндеудің орнына Шаңырақ-1, Ақбұлақ және Тастыбұлақ шағынаудандарындағы көшелер жөнделетін болады.
"ШААЖ, Саин, Рысқұлов, Райымбек, Сейфуллин даңғылдары және басқа да қаланың күретамырлары болып табылатын магистральды көшелерді жөндеу жұмыстары оқу жылы аяқталғаннан кейін басталады. Жөндеу жұмыстарын ағымдағы жылдың 30 тамызына дейін аяқтау жоспарланып отыр", - деп толықтырды әкімдік.
Vision Zero тұжырымдамасына сәйкес орташа жөндеуді жүргізу аясында көлік пен жаяу жүргіншілер қозғалысының қауіпсіздігін қамтамасыз ету үшін көшелерде трапеция тәрізді жасанды кедергілерді, қауіпсіздік қақпақтарын, қауіпсіздік аралдарын орнату бойынша жұмыстар жүргізілетін болады.
Сонымен қатар, қаланың көше-жол желісінде ағымдағы жөндеу жұмыстары жүргізілуде. Жұмыстарға 12 бригада, арнайы техниканың 28 бірлігі, 96 қызметкер жұмылдырылды. Магистральды көшелер мен апатты учаскелерде жалпы ауданы 15 мың шаршы метрден астам шұңқырларды жөндеу жұмыстары жүргізілді. Жөндеу барысында 257 люк көтеріліп, 421 метр жиек тегістелді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
