Бізді ЕАЭО-мен ерекше қарым-қатынас байланыстырады - Назарбаев

Нұрсұлтан Назарбаев қазақстандық дипломатияның ислам әлемі мен посткеңестік кеңістіктегі өткір жанжалдарда бейбітшілікті үйлестіру күшін арттыратынын мәлімдеді, - деп хабарлайды Tengrinews.kz тілшісі.

"Ұлт жоспарының сәтті орындалуы халықаралық климаттың жағымды болуын талап етеді, біз стратегиялық серіктестерімізбен ынтымақтастығымыды жалғастыра береміз - Ресеймен, ҚХР-мен, АҚШ-пен, Еуропалық одақ елдерімен, ислам әлемімен. Біз халықаралық ұйымдарда белсенді жұмыс істейтін боламыз. Орта Азияның көшбасшысы ретінде Қазақстан қауіпсіздіктің жалпы архитектурасы мен біздің өңірдің экономикалық дамуын қолдайтын болады", - деді Президент, Астанада өткен ұлықтау рәсімі кезінде.

"Бізді ЕАЭО бойынша серіктестермен ерекше қарым-қатынас байланыстыратын болады - Ресеймен, Беларусьпен, Қырғызстанмен, Армениямен. Қазақстандық дипломатия ислам әлемі мен посткеңестік кеңістіктегі өткір жанжалдарда бейбітшілікті үйлестіру күшін арттырады", - деді ол.

Астанада Президентті ұлықтау рәсімі өтті. Қайта сайланған Нұрсұлтан Назарбаев Қазақстан халқына Ант берді. Мемлекет басшысы Конституцияға оң қолын қойып, Қазақстан халқына Антты оқып берді.