+7 (777) 001 44 99
Қазақша
Русский
English
10 наурыз 2021 | 16:27
БЖЗҚ 121 мың зейнетақы шотын жабады
Бірыңғай жинақтаушы зейнетақы қоры (БЖЗҚ) ақша салынбаған зейнетақы шоттары жабылатыны туралы ақпарат жариялады, - деп хабарлайды Tengrinews.kz тілшісі.
ПОДЕЛИТЬСЯ
Бірыңғай жинақтаушы зейнетақы қоры (БЖЗҚ) ақша салынбаған зейнетақы шоттары жабылатыны туралы ақпарат жариялады, - деп хабарлайды Tengrinews.kz тілшісі.
"БЖЗҚ" АҚ" Қаржы нарығын реттеу және дамыту агенттігі басқармасының 2021 жылғы 12 ақпандағы №27 қаулысымен бекітілген міндетті зейнетақы жарналары, міндетті кәсіптік зейнетақы жарналары және салымшылардың жеке зейнетақы шоттарындағы ерікті зейнетақы жарналары есебінен зейнетақы жинақтарын есепке алу қағидалары 2021 жылғы 1 наурыздан бастап күшіне енгенін хабарлайды. Осыған сәйкес зейнетақы жинақтары болмаған жағдайда бір ай өткен соң жеке зейнетақы шоттары (ЖЗШ) жабылады", - делінген хабарламада.
Осылайша БЖЗҚ-да бұрын ашылған, оның ішінде адам жұмысқа тұрып, шот ашуға өтініш берген немесе зейнетақымен қамсыздандыру туралы шарт жасасқан, бірақ қандай да бір себептермен аударымдар жасай алмаған жағдайларда, сондай-ақ зейнетақы жинақтары болған және зейнетақы жинақтарының барлық сомасы төленіп, аударым жүзеге асырылған ЖЗШ төлем не аударым жасалғаннан кейін бір ай ішінде зейнетақы жарналары түспеген жағдайда жабылады.
"2021 жылдың 1 ақпанындағы жағдай бойынша БЖЗҚ-дағы зейнетақы жинақтары жоқ шоттар саны шамамен 121 мың",- делінген Қор хабарламасында.
Айта кетейік, 2019 жылдан бастап БЖЗҚ-да міндетті зейнетақы жарналары (МЗЖ) есепке алынатын ЖЗШ ашу үшін жеке тұлғаға өтінішті рәсімдеу мақсатында БЖЗҚ-ға жүгінудің қажеті жоқ. Шот алғашқы жарна келіп түскен кезде БЖЗҚ ақпараттық жүйесінде автоматты түрде ашылып, жеке тұлғаны сәйкестендіру зейнетақы жарнасын аудару кезінде төлем тапсырмасы электрон форматында көрсетілген дербес деректер бойынша жүзеге асады. Ал қолданыстағы құжат пен өзге де деректер туралы барлық қажетті мәліметті БЖЗҚ мемлекеттік органдар ақпараттық жүйелерінен алады. БЖЗҚ "Азаматтарға арналған үкімет" мемлекеттік корпорациясынан электрон хабарлама алған күннен бастап салымшы МЗЖ есебінен зейнетақымен қамсыздандыру туралы шартқа қосылған болып есептеледі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
