БҚО-да есірткіге масайған жүргізуші жүк көлігімен үш баланы қағып кеткен

БҚО-да есірткіге масайған жүк көлігінің жүргізушісі үш баланы қағып кетті, - деп хабарлайды Tengrinews.kz тілшісі Polisia.kz.

Басылым мәліметінше, 19 қыркүйек түскі сағат 14:10 шамасында ГАЗ-53 автокөлігін тізгіндеген 32 жастағы жүргізуші 30 мектептің жанындағы аялдамада 3 кәмелетке толмаған жасөспірімді қағып кетті. Жол апаты салдарынан 2009, 2010, 2011 жылғы кәмелетке толмаған балалар облыстық балалар ауруханасына жеткізілді. Медициналық сараптама барысында жүргізуші каннабиноидтарды (марихуананы) пайдаланғаны анықталды.

Аталған дерек бойынша ҚР ҚК 345-бабы 1-бөлігі (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша соталды тергеу амалдары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!