+7 (777) 001 44 99
Қазақша
Русский
English
01 қазан 2022 | 17:41
БҚО-да төбелес шығарған ресейліктер ұсталды
Кеше БҚО ПД Жедел басқару орталығының инспекторлары сыртқы бейнебақылау камераларының мониторингі барысында Оралдың түнгі клубтарының бірінің жанында ер адамдардың төбелесін байқады. Бүгін Полиция қызметкерлері төбелеске қатысушыларды анықтады, - деп хабарлайды Tengrinews.kz тілшісі Polisia.kz-ке сілтеме жасап.
ПОДЕЛИТЬСЯ
Кеше БҚО ПД Жедел басқару орталығының инспекторлары сыртқы бейнебақылау камераларының мониторингі барысында Оралдың түнгі клубтарының бірінің жанында ер адамдардың төбелесін байқады. Бүгін Полиция қызметкерлері төбелеске қатысушыларды анықтады, - деп хабарлайды Tengrinews.kz тілшісі Polisia.kz-ке сілтеме жасап.
Полиция қызметкерлері оқиға орнында мас күйінде бір-бірімен төбелескен Ресей азаматтарын ұстады.
Бұл дерек бойынша материал жиналып, куәгерлерден жауап алынды. Жанжалға қатысушылар Абай полиция бөліміне жеткізілді.
Қолданыстағы заңнамаға сәйкес, құқықбұзушыларға қатысты ҚР Әкімшілік құқықбұзушылық туралы кодексінің 434-бабы (Ұсақ бұзақылық), 440-бабы (Қоғамдық орындарда мас күйінде болу), 437-бабы (Тыныштықты бұзу) бойынша әкімшілік хаттамалар толтырылды.
Оралдың мамандандырылған әкімшілік сотының қаулысымен ҚР Әкімшілік құқықбұзушылық туралы кодексінің 434-бабында көзделген ұсақ бұзақылық жасағаны үшін 1992 және 1995 жылдары туған РФ азаматтарына 5 тәулік мерзімге әкімшілік қамауға алу түріндегі жаза тағайындалды.
Азаматтық сот жоғарыда аталған РФ азаматтарының ҚР аумағында одан әрі болуы туралы мәселені қарайтын болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
