Блогер Үлкен Алматы айналма жолын видеоға түсіріп көрсетті

YouTube блогері Әлімбек Ұлан құрылысы жүріп жатқан Үлкен Алматы айналма жолындағы (ҮААЖ) сапарын видеоға түсірді, - деп хабарлайды Tengrinews.kz тілшісі "Пятый регион" басылымына сілтеме жасап.

Блогер Ташкент тасжолындағы жолайрықтан бастап, Құлжа тасжолындағы жолайрыққа дейін жүріп өткен. Жол жүріс уақыты 40 минутқа созылған. Жол-жөнекей видео авторы өзге де жүргізушілерді кездестірген.

"Түсініксіз жалғыз нәрсе - бір жерде жүруге рұқсат етілген, бір жерде жоқ, бірақ жол ресми түрде ашылған жоқ. Бұл жолмен жүруге болатын-болмайтыны түсініксіз", - дейді ол видеода.

Блогер көлігімен Қарасай, Іле және Талғар аудандары аумағын аралап өткен. Жол бір бағыттағы үш жолақтан тұрады.

Айналма жол пайдалануға дайын десе де болады, дегенмен ҮААЖ-дың ресми ашылуы келесі жылы өтетін көрінеді, деп жазады басылым.

Сілтемесіз жаңалық оқисыз ба? Онда Telegram желісінде парақшамызға тіркеліңіз!