Блокбекет қойылған: Алматы облысында изолятордан күдікті қашып кетті

Алматы облысында күдікті уақытша ұстау изоляторынан қашып кетті. Ол зорлау бойынша күдікке ілінген, - деп хабарлайды Tengrinews.kz тілшісі.

Оны ұстау үшін арнайы "Сирен" жоспары енгізілген.

"Негізгі маршруттарда блокбекеттер қойылған және барлық күш пен құралдар қашқынды іздеуге және ұстауға бағытталған. Сонымен қатар, қашудың мән-жайын анықтау үшін қызметтік тексеру тағайындалды", - деп хабарлады Алматы облысы ПД.

Баспасөз қызметі бұл жағдай облыстық Полиция департаменті басшылығының бақылауында екенін хабарлады.

Бұл ретте, желі қолданушылары Талғар тасжолында ұзын-сонар кептеліс болғанын хабарлады. Полиция барлық көліктерді тексеріп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!