Боранға байланысты Алматы облысындағы жолдардың бірі жабылды

Алматы облысында боранға байланысты республикалық маңызы бар жол жабылды, - деп хабарлайды Tengrinews.kz тілшісі.

"Қазавтожол" мәліметінше, боранға байланысты Үшарал-Достық тасжолы жабылған. Онда көліктің барлық түрі үшін жүруге болмайды.

Алматы облысының ТЖД-нің мамандары тұрғындарды осы бағыттағы тасжолмен жүрмеуге және 112 қызметінен келген SMS хабарламаларды назардан тыс қалдырмауға шақырды.

Сонымен қатар, мамандар алыс жолға шыққан кезде ауа райы болжамымен танысуға, барлық қажет затты алып жүруге кеңес берді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!