Бүгін - Алғыс айту күні

Бүгін қазақстандықтар Алғыс айту күнін тойлап жатыр, - деп хабарлайды Tengrinews.kz тілшісі. 

2016 жылдың 15 қаңтарында Қазақстан Президенті Нұрсұлтан Назарбаев еліміздегі кәсіби және басқа да мерекелерге өзгеріс енгізу туралы қаулыға қол қойды. Осылайша елімізде екі жаңа мереке пайда болды - Алғыс айту күні мен Геологтар күні.

Алғыс айту күні Мемлекет басшысының ұсынысымен бекітілген болатын. Президент Қазақстан халқы Ассамблеясының сессиясында біздің елге жер аударғандарды еске алған еді. Сондай-ақ, Нұрсұлтан Назарбаев оларға қалай қамқорлық көрсеткенін айтып берген болатын.