+7 (777) 001 44 99
Қазақша
Русский
English
07 қараша 2022 | 13:45
Бұл қағидатымыз ешқашан өзгермейді - Тоқаев елдегі тұрақтылық пен қауіпсіздік туралы
Президент Қасым-Жомарт Тоқаев Қазақстандағы тұрақтылық пен қауіпсіздік туралы айтты, - деп хабарлайды Tengrinews.kz тілшісі.
ПОДЕЛИТЬСЯ
Президент Қасым-Жомарт Тоқаев Қазақстандағы тұрақтылық пен қауіпсіздік туралы айтты, - деп хабарлайды Tengrinews.kz тілшісі.
Тоқаев жұртшылықпен кездесуінде соңғы айларда Қазақстанның ақпараттық жүйелері кибершабуылға ұшырағанын атап өтті.
"Соңғы бірер айда еліміздің мемлекеттік ақпараттық жүйелеріне кибершабуыл жасала бастады. Мұндай әрекеттер, әсіресе, қазіргі науқан кезінде көп болды. Біз бұған жол бермейміз, жалған ақпараттың таратылуына тыйым саламыз.
Біз қастерлі Тәуелсіздігімізді қорғау үшін бәріне дайынбыз. Мен бұған дейін "Ұлттық мүддені аспен де, таспен де қорғаймыз" деген едім. Бұл қағидатымыз ешқашан өзгермейді", - деді Қасым-Жомарт Тоқаев.
Ол елдегі тұрақтылық пен қауіпсіздікке айналамыздағы геосаяси ахуалдан бөлек, өз ішіміздегі ахуал да әсер ететінін баса айтты.
"Елге іріткі салып, алауыздық туғызатындар өз ішімізде де, сыртта да бар. Әр нәрсеге немқұрайлы қарап, жайбарақат жүруге болмайды", - деп қосты Президент.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
