Бұршақ пен көктайғақ. Алдағы үш күнде ауа райы қандай болады?

"Қазгидромет" синоптиктері 25-28 наурыз аралығына ауа райын болжады. Ақпарат бойынша, Қазақстанда екі циклон бірігеді, - деп хабарлайды Tengrinews.kz тілшісі.

"Алдағы үш күнде Қазақстанның басым бөлігінде тұрақсыз ауа райы сақталады. Біздің ел аумағында Жерорта теңізі мен Солтүстік-Батыс аймақтарынан екі циклон бірігеді. Олар республиканың басым бөлігінде ауа райын анықтайды.

Олардың келуімен барлық өңірлерде жауын-шашын, кей жерлерде қатты көктайғақ, бұрқасын күтіледі, еліміздің оңтүстігінде найзағай ойнап, бұршақ жаууы мүмкін, сондай-ақ ауа температурасының аздаған жоғарылауы болжанады", - делінген хабарламада.

Бұған дейін Нұр-Сұлтанда бір тәулікте жауған қар айлық нормадан асып түскені хабарланған болатын. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!