+7 (777) 001 44 99
Қазақша
Русский
English
07 шілде 2021 | 17:35
"Бұрын ешкім келмейтін". Демалыс күндері жұрт Қапшағайға ағылды
Демалыс күндері Қапшағай су қоймасының жағажайлары жақын орналасқан қала мен ауылдан келген демалушыларға толып кетті. Әлеуметтік желілерде адам шоғырланған жағажайды көрсететін видеолар таралып жатыр, - деп хабарлайды Tengrinews.kz тілшісі.
ПОДЕЛИТЬСЯ
Демалыс күндері Қапшағай су қоймасының жағажайлары жақын орналасқан қала мен ауылдан келген демалушыларға толып кетті. Әлеуметтік желілерде адам шоғырланған жағажайды көрсететін видеолар таралып жатыр, - деп хабарлайды Tengrinews.kz тілшісі.
Видео кадрларларынан Қапшағай жағалауында тұрған жүздеген көлікті көруге болады. Кейін ол көліктің бәрі Алматыға бет алған.
"Кеше Қапшағай қаласында миллион адам болды. Мен ешқашан мұнша көп адам жиналғанын көрген емеспін. Су қоймасына баратын жолдағы кептеліс бірнеше шақырымға созылды. Бұдан бірнеше жыл бұрын адамдар мұнда келгісі келмейтін", - деп жазды @baidynkyzy есімді TikTok қолданушысы.
@baidynkyzy♬ La Câlin - Serhat Durmus
Әлеуметтік желі қолданушылары мұндай жағдай әр демалыс сайын болатынын атап өтті. Онда ешкім карантинді сақтамайтыны айтылған.
Алматы облысының санитарлық-эпидемиологиялық бақылау департаменті бұл видеоға түсінік берді.
"Демалыс күндері Қапшағай қаласындағы су қоймасында адамдар көп жиналды, жергілікті атқарушы орган жанындағы мониторингтік топтар демалыс үйлерінің кәсіпкерлік нысандарымен түсіндіру жұмыстарын жүргізді және алдын алу шаралары туралы ескертті", - деді Алматы облыстық санитарлық-эпидемиологиялық бақылау департаментінің баспасөз қызметіндегілер.
Сондай-ақ, дәрігерлер санаторий-курорттық аумақтар мен демалыс үйлерінде карантин ережелерін сақтау туралы еске салды.
"COVID-19 бойынша профилактикалық іс-шараларды қатаң сақтау, сондай-ақ адамдар көп жиналатын жерлерде, қозғалыс қарқындылығы байқалатын ресепшендер алдына белгілер қою немесе шектеу тіректері арқылы әлеуметтік арақашықтық аймақтарын айқындау керек. Бұдан басқа, санитариялық-эпидемиологиялық талаптарды сақтауға жауапты адам тағайындалады (температураны өлшеу, персоналға нұсқау беру, жеке қорғаныс құралдарын уақтылы ауыстыру, дезинфекциялау, жуу және антисептика құралдары қорын қадағалау), журнал жүргізу, маска тағу, респираторлар, сулықтар жинау, жабдықтар мен өңдеу)", - деп хабарлады санитария дәрігері.
Айта кетейік, бұған дейін Павлодар облысындағы Баянауыл жағажайларында да осындай жағдай байқалғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
