БЖЗҚ-да тексеріс жүріп жатыр - Ұлттық банк

Ардақ Құлтаев

2016 жылды? 21 желто?санынан бастап ?Р ?лтты? банкіні? ?атысуымен "Біры??ай жина?таушы зейнета?ы ?оры" Акционерлік ?о?амыны? ?ызметіне тексеріс ж?ріп жатыр, - деп хабарлайды Tengrinews.kz тілшісі ?аржы реттеушісіні? баспас?з ?ызметіне сілтеме жасап.

2016 жылдың 21 желтоқсанынан бастап ҚР Ұлттық банкінің қатысуымен "Бірыңғай жинақтаушы зейнетақы қоры" Акционерлік қоғамының қызметіне тексеріс жүріп жатыр, - деп хабарлайды Tengrinews.kz тілшісі қаржы реттеушісінің баспасөз қызметіне сілтеме жасап.

Тексерудің БЖЗҚ акционерлік қоғамының меншікті активтерді инвестициялауға қатысты жасалған операциялары бойынша жүзеге асырылып жатқаны айтылады. "БЖЗҚ" АҚ-тың меншікті активтері оның капиталы және шаруашылық қызметінің нәтижелері есебінен қалыптастырылады екен. "БЖЗҚ" АҚ меншікті активтерді дербес басқарады", - дейді банктегілер.

"Азаматтардың зейнетақы жинақтары "БЖЗҚ" АҚ-тың балансынан бөлінген және бөлек ескеріледі. Ұлттық Банк зейнетақы жинақтарын инвестициялауды Қазақстан Республикасының Ұлттық қорын басқару жөніндегі кеңес мақұлдаған 2016 жылға арналған бағыттар бойынша ғана жүзеге асырады. Бұл ретте 2016 жылы зейнетақы активтерін экономиканың нақты секторының жеке компанияларының қаржы құралдарына инвестициялау көзделмейді", - делінген хабарламада.

Сонымен қатар, Ұлттық банктің құқық қорғау органдарының іс-әрекеттеріне түсінік беруге құқылы емес екені және ахуалға құқықтық бағалау тексеру аяқталған соң және тиісті процессуалдық шешімдер шығарылғаннан кейін берілетіні айтылады.