+7 (777) 001 44 99
Қазақша
Русский
English
15 мамыр 2023 | 12:37
Дәрігерлер 8-қабаттан құлаған 19 жастағы жігіттің өмірін сақтап қалды
Алматылық дәрігерлер сегізінші қабаттан құлаған жігітті аман алып қалды, - деп хабарлайды Tengrinews.kz тілшісі.
ПОДЕЛИТЬСЯ
Алматылық дәрігерлер сегізінші қабаттан құлаған жігітті аман алып қалды, - деп хабарлайды Tengrinews.kz тілшісі.
Қалалық Қоғамдық денсаулық сақтау басқармасы таратқан хабарламаға сүйенсек, 19 жастағы жігіт аурухананың қабылдау бөліміне аса ауыр халде жеткізілген. Пациент шұғыл түрде жан сақтау бөліміне жатқызылды. Дәрігерлер оның миы шайқалып, жабық бас-ми жарақатын, салдарынан бірінші-екінші дәрежелі травматикалық шок алғанын және көптеген сүйектері сынғанын анықтаған.
Орталық қалалық клиникалық аурухананың Ортопедия бөлімі меңгерушісі Қанат Тәуекеловтің айтуынша, жансақтау бөлімі қызметкерлері алдымен пациентті жарақат салдарынан болған шоктан арылтып, жағдайы тұрақтанғаннан кейін екі күннен соң ота жасау туралы шешім қабылдаған.
"Екі кезеңмен бірнеше операция жасалды. Бірінші ота "сынған жамбас сүйегін ашық репозициялау, пластинамен және бұрандалармен бекіту" деп аталады. Науқас есін жиып, жағдайы жақсарған соң екінші ота жасалды. Бұл операция барысында сүйек тіндерін сынған жерден бір-біріне жалғап, металл конструкциялардың көмегімен жалғадық", – дейді Қанат Тәуекелов.
Мамандар жоғары технологиялардың көмегімен жасалған операция аса күрделі манипуляциялар қатарына жататынын, мұндай оталар МӘМС пакеті шеңберінде ғана жасалатынын айтады.
"Біз пациентті емдеу барысында оның өмірін сақтап қалуды басты мақсат етіп қойдық. Сонымен қатар мүгедек болып қалмауы үшін барымызды салдық. Нәтижесінде біз науқастың өмірін сақтап қана қоймай, аяққа тұрғыздық", – дейді Қанат Тәуекелов.
Бір айта кетерлігі, пациент операциядан кейін екінші күні-ақ аяққа тұрған. Орталық қалалық клиникалық ауруханада реабилитациядан өтті. Бүгінде ауруханадан шыққан жас жігіт өз бетінше жүріп-тұрады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
