Дариға Назарбаева: Тролльдер бәле болып жабысты

Дариға Назарбаева интернет-тролльдер туралы ойын айтты, - деп хабарлайды Tengrinews.kz тілшісі. Еуразиялық Медиа форумның ашылу салтанатында Дариға Назарбаева Интернет пен технологияның қарыштап дамып жатқанын атап өтті. 

"Пейджер" сөзі ұмыт болды, дискілі телефонды кинодан ғана көресіз, қорап сияқты теледидар сұйық кристалды экранға айналды. Жаңа дүниенің көптігі таңдандырады, смартфон жеке компьютерге айналды. Іздеу жүйелері кез келген ақпаратты ашады. Бүкіл әлемде медиатұтыну өзге сипат алды, ал бастысы осындай уақытта өзін жайлы сезінетін ұрпақ пайда болды. Көпшілік оларды цифрлық буын деп атай бастады. Бұл ұрпақ дәстүрлі мен жаңа медиа арасында таңдау жасамайды", - дейді Еуразиялық Медиа Форумының ұйымдастыру комитетінің өкілі. 

"Интернетке кіру жеңілдігі талантты адамдардың ғана жолын ашқан жоқ. Авантюрист, қылмыскер мен түрлі үгітшілерге де мүмкіндік берді", - деп атап өтті Назарбаева. 

"Тролль аталып кеткендер - ақпараттық соғыстың көрінбейтін сарбаздары және жалған жаңалықтарды өндірушілер бәле болып жабысты", - дейді ол.