+7 (777) 001 44 99
Қазақша
Русский
English
15 шілде 2020 | 14:32
ДДҰ-дан жауап күтіп отырмыз - ДСМ пневмония және коронавируспен ауырғандардың есебі туралы
Қазақстан Дүниежүзілік денсаулық сақтау ұйымынан (ДДҰ) атипиялық пневмониямен ауырғандарды коронавирус жұқтырғандардың тізіміне қосу туралы мәселеге қатысты жауап күтіп отыр. Бұл туралы денсаулық сақтау вице-министрі Людмила Бюрабекова айтты, - деп хабарлайды Tengrinews.kz тілшісі.
ПОДЕЛИТЬСЯ
Қазақстан Дүниежүзілік денсаулық сақтау ұйымынан (ДДҰ) атипиялық пневмониямен ауырғандарды коронавирус жұқтырғандардың тізіміне қосу туралы мәселеге қатысты жауап күтіп отыр. Бұл туралы денсаулық сақтау вице-министрі Людмила Бюрабекова айтты, - деп хабарлайды Tengrinews.kz тілшісі.
"Біз Дүниежүзілік денсаулық сақтау ұйымымен және халықаралық ұйымдармен келіссөз жүргізіп жатырмыз. Себебі, қазіргі таңда ДДҰ-ның ұсынысы бойынша ПТР-тесті оң нәтиже көрсеткен деректер ғана коронавирус статистикасына енеді. Бұл ақпаратты қарап жатырмыз. Сауал жібердік, ДДҰ-дан жауап күтіп отырмыз. Келіссөздер арқылы тиісті деректер есепке алынады", - деді ол ОКҚ-да өткен баспасөз мәслихатында.
"Әрбір елдің статистика мен есепті жүргізудің өз жолы бар. Біз оны бір ізге келтіріп, басқа елдермен бірге болғымыз келеді", - дейді Людмила Бюрабекова.
Айта кетейік, осыған дейін денсаулық сақтау вице-министрі Қазақстан 5 айда шетелден 154,3 миллиард теңгеге дәрі сатып алғанын, елімізде коронавирус статистикасының неге дұрыс болмағанын түсіндіріп, Тәжікстанға жасанды тыныс алдыру аппараттарын жеткізу мәселесіне қатысты пікір білдірген еді.
Сондай-ақ, коронавирус пандемиясы кезінде елімізге шетелден 98 жасанды таныс алдыру аппараты жеткізілгені белгілі болды.
Айта кетейік, Қазақстанда коронавирус жұқтырғандар саны 63 514-ке жетті. 38 008 науқас дертінен айықты, 396 адам қайтыс болды.
Показать комментарии
Читайте также
