Дефлимпиада ойындарының жүлдегері Ләззат Бақтиярова қайтыс болды

Семейде Дефлимпиада ойындарының қола жүлдегері Ләззат Бақтиярова өмірден озды. Бұл туралы сенбі, 8 шілдеде белгілі болды, - деп хабарлайды Tengrinews.kz тілшісі Abai News Тelegram-арнасына сілтеме жасап.

Семейлік спортшы дзюдодан түрлі әлемдік турнирлер мен чемпионаттарда Абай облысының абыройын асқақтатты.

Ол Әлем чемпионатының, XXIV Жазғы Дефлимпиада ойындарының және Азия-Тынық мұхиты елдерінің бірінші ойындарының қола жүлдегері болды.

Облыстық спорт басқармасы Ләззат Бақтиярованың туған-туыстары мен жақындарына көңіл айтты.

Бір ай бұрын, 9 маусымда спортшы Семей әкімінің қолынан тұрғын үй қорынан "Қарағайлы" шағынауданындағы жаңа пәтердің кілтін тегін алған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!