Демалыс күндері ауа райы қандай болады?

Синоптиктер 22-24 сәуір күндері жауын-шашын болып, ауа температурасы климаттық нормадан жоғары болатынын айтты, - деп хабарлайды Tengrinews.kz тілшісі "Қазгидрометтің" баспасөз қызметіне сілтеме жасап.

Еліміздің басым бөлігінде жауын-шашын, ал солтүстік өңірлерде қар аралас жаңбыр, найзағай және секундына 15-25 метр болатын жел күтіледі.

"Мұндай ауа райы Қара теңізден келіп жатқан циклондарға байланысты. Сондықтан да ауа температурасы жауын-шашынға қарамастан нормадан жоғары болады", - деді синоптиктер.