+7 (777) 001 44 99
Қазақша
Русский
English
30 мамыр 2019 14:43
Демонтаждалған граниттер қаланы абаттандыруда қайта пайдаланылады
Жол көлік айрықтарының тіреу қабырғаларынан демонтаждалған гранит тақтайшалар жаяу жүргіншілер жолының ағымдағы жөндеуі мен көшелерді абаттандыру кезінде, сондай-ақ әлеуметтік нысандардың сыртқы әрлеуі кезінде пайдаланылатын болады, - деп хабарлайды Тengrinews.kz тілшісі.
ПОДЕЛИТЬСЯ
Жол көлік айрықтарының тіреу қабырғаларынан демонтаждалған гранит тақтайшалар жаяу жүргіншілер жолының ағымдағы жөндеуі мен көшелерді абаттандыру кезінде, сондай-ақ әлеуметтік нысандардың сыртқы әрлеуі кезінде пайдаланылатын болады, - деп хабарлайды Тengrinews.kz тілшісі.
Қалалық мобильділік басқармасының мәліметінше, 5 көлік жол айрығынан алынған тақтайшалардың барлығы іске асырылатын болады. Қазіргі таңда алғашқы айрықтан 6,5 мың шаршы метр тақтайша алынып, оның 2,1 мың шаршы метр туннельдің төменгі қатарын әрлеуге жұмсалды. 1,2 мың шаршы метр жарамсыз тақтайша жаяу жүргіншілер жолын салуға, сонымен қатар мектептер мен ауруханалардың сыртын жөндеуге жұмсалатын болады. Тұтас тақтайшалар Райымбек-Розыбакиев, Сүйінбай-Розыбакиев және Жароков-әл-Фараби қиылыстарындағы жол көлік айрықтарын жөндеу кезінде пайдаланылып жатыр.
Қала мектептерінен тақтайшаларды алу туралы сұраныстарды қабылдау қазірден басталып кетті, жөндеу жұмыстары шілде айында басталатын болады. Білім беру мекемелерінің айтуынша, мектептерді жөндеу кезінде қаражаттың басым бөлігі инженерлік желілерге шығындалады да, сыртқы абаттандыру жұмыстарына келгенде, үнемдеуге тура келеді. Ал бұл тақтайшалар жөндеу жұмыстарын айтарлықтай шығынсыз аяқтауға мүмкіндік береді.
Показать комментарии
Читайте также
