Денсаулық сақтау министрі Берденовтің жағдайы туралы айтты

Денсаулық сақтау министрі Ақмарал Әлназарова Шымкент әкімінің орынбасары Руслан Берденовтің жағдайы туралы айтып берді, - деп хабарлайды Tengrinews.kz тілшісі.

Оқиға бір аптадан астам уақыт бұрын болған еді.

"Пациент ауруханаға түскен сәтте екі хирургиялық бригада төрт сағат бойы қажетті ота жасады. Бүгінде науқастың жағдайы тұрақты, өздігінен қозғала алады, бірақ әзірге дәрігерлердің бақылауында", – деді Әлназарова Үкіметтегі брифингте.

Еске салайық, 21 сәуірде Шымкент әкімдігі ғимараты маңында атыс болды. Салдарынан Руслан Берденов жарақат алды. Полиция мәліметінше, күдікті ұсталып, уақытша ұстау изоляторына қамалған, бұл дерек бойынша қылмыстық іс қозғалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!