Денсаулық сақтау министрлігі "Цефтриаксон" препаратынан қайтыс болғандар туралы ақпаратқа пікір білдірді

ҚР Денсаулық сақтау министрлігі "Цефтриаксон" препаратынан болған 18 өлім туралы ақпаратты жоққа шығарды, - деп хабарлайды Tengrinews.kz тілшісі stopfake.kz сайтына сілтеме жасап.

Бұл ақпаратты ҚР Денсаулық сақтау министрлігі теріске шығарды.

"Цефтриаксонның» жағымсыз әсері салдарынан көз жұмған пациент туралы карт-хабарламалар (сары карталар) тіркелген жоқ. ҚР ДСМ Медициналық және фармацевтикалық бақылау комитетіне және Алматы қаласы бойынша аумақтық департаментіне мұндай шағымдар түскен жоқ", - деп хабарлады ведомстводан.

"Цефтриаксон" - бұл сепсис, менингит, инфекциялардың түрлері, пневмония және басқа көптеген аурулар кезінде тағайындалатын антибиотик.

Бұл препарат Қазақстанда лицензияланған және дәріханаларда сатылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!