Депутат Forbes тізіміндегі байларды Қазақстанның өңірлері бойынша бөлуді ұсынды

Мәжіліс депутаты Еділ Жаңбыршин жылумен жабдықтау проблемаларын Forbes тізіміндегі кәсіпкерлер көмегімен шешуді ұсынды, - деп хабарлайды Tengrinews.kz тілшісі.

"Қаржыны қайдан аламыз? Тарифті шексіз көтере бермейміз, бюджеттен - шектеулер бар, инвестиция да тарифке байланысты, ертең оны көтеруге тура келеді. Бір ұсыныс бар, мүмкін оны популистік деп айтатын шығарсыздар. Бізде Forbes тізімінде 160 миллионер мен миллиардер бар. Солардың 20-сын алып, өңірлер бойынша бөлуді ұсынамын, солар көмектессін. Олар мемлекетіміздің есебінен байыған екен, енді халыққа, мемлекетке көмектессін. Олардың мүмкіндігі бар", - деді Жаңбыршин.

Бірақ депутат мұндай қымбат және тиімсіз жобаларға миллиардерлерді қалай тарту керек екенін айтқан жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!