Димаш Құдайбергеннің әкесі ұлының партияларға дауыс беруге "шақырған" суретіне қатысты пікір білдірді

Әнші Димаш Құдайбергеннің фотосы Қазақстандағы Мәжіліс пен мәслихат сайлауы алдында үгіт жүргізу үшін қолданылды. Әртістің әкесі Қанат Айтбаев Димаш Құдайбергеннің бұған қатысы жоқ екенін айтты, - деп хабарлайды Tengrinews.kz тілшісі.

Қанат Айтбаев Facebook желісіндегі парақшасында халықаралық келісімдер мен өмірлік қағидаттарға сәйкес, Димаштың саяси науқандарға қатыспайтыны туралы жазба жариялады.

"Әлеуметтік желілерде Димаштың түрлі партияларға дауыс беруге "шақырған" суреті пайдаланылды. (...) Суреттер мен атақты есімдер заңсыз пайдаланылмауы керек!", - деп жазды әншінің әкесі.

Айта кетейік, Мәжіліс пен мәслихат сайлауы 10 қаңтарда өтеді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!