ДСМ Жаңа жылда аяз ата шақыру неліктен қауіпті екенін түсіндірді

Денсаулық сақтау министрлігі санитарлық-эпидемиологиялық бақылау комитетінің басшысы Айжан Есмағамбетова Жаңа жыл кезінде неліктен аяз ата мен ақшақар шақыруға болмайтынын түсіндірді, - деп хабарлайды Tengrinews.kz тілшісі.

ОКҚ брифингінде журналистер Жаңа жыл кезінде балаларды құттықтау үшін аяз ата мен ақшақарды шақыруға неліктен рұқсат берілмейтінін сұрады.   

"Бүгінде эпидемиологиялық жағдайдың нашарлап кетпеуі үшін шара қолданылып жатыр. Қаулы бойынша, корпоратив шара мен ертеңгілік жасауға тыйым салынған. Сәйкесінше КВИ статусы белгісіз аниматорларды шақыруға болмайды. Коронавирустың 30 пайызы ешқандай белгісіз болатынын тағы бір еске салғым келеді", - деді Есмағамбетова.  

Ведомство басшысы жаңа жыл түнінде аяз ата мен ақшақар бірнеше үйді аралайтынын еске салды.

"Инфекцияны тарату мен жұқтыру қаупі артады. Сондықтан бұл шараның жөні бар. Ол эпиджағдайды бақылауда ұстауға мүмкіндік береді", - деді ведомство басшысы. 

Еске салайық, бұған дейін Алматының бас мемлекеттік санитар дәрігері Жандарбек Бекшин 26 желтоқсанда күшіне енетін жаңа қаулыға қол қойған болатын. 

Бекшиннің қаулысында адам көп жиналатын жерлерде ойын-сауық, спорттық іс-шаралар, көрмелер, форумдар және отбасылық мерекелер өткізуге тыйым салу туралы айтылды.

Алматының бас санитар дәрігері кейбір жаңажылдық іс-шараларды өткізуге де тыйым салу туралы шешім қабылдады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!