+7 (777) 001 44 99
Қазақша
Русский
English
08 сәуір 2024 | 09:40
ДСМ су тасқынына байланысты халыққа бірқатар ұсыным берді
ҚР Денсаулық сақтау министрлігі еліміздің бірқатар өңірлеріндегі су тасқыны жағдайына байланысты халыққа тамақтан улану мен жұқпалы аурулардың алдын алу мақсатында бірқатар ұсыным берді, - деп хабарлайды Tengrinews.kz тілшісі.
ПОДЕЛИТЬСЯ
ҚР Денсаулық сақтау министрлігі еліміздің бірқатар өңірлеріндегі су тасқыны жағдайына байланысты халыққа тамақтан улану мен жұқпалы аурулардың алдын алу мақсатында бірқатар ұсыным берді, - деп хабарлайды Tengrinews.kz тілшісі.
Атап айтқанда, ведомство ішу және тамақ дайындау үшін тек бөтелкедегі немесе қайнатылған суды пайдалануға кеңес береді. Су басқан жерлерде бұлақтардан, құдықтардан, ұңғымалардан су ішпеу ұсынылады.
Сондай-ақ, тасқын суда қалған азық-түлік өнімдерін пайдалануға болмайды, мүмкіндігінше оларды кеміргіштер мен тасқын су жетпейтін жерлерде сақтау керек.
Сонымен қатар, Денсаулық сақтау министрлігі тұрғындарға негізгі гигиеналық ережелерді еске салды: тамақты дайындап, жеу алдында, сондай-ақ дәретханаға барғаннан кейін қолды сабынмен жуу. Су тасқынынан кейін барлық үй-жайларды дезинфекциялық ерітінділермен өңдеу ұсынылады.
Жұқпалы аурулар белгілері (қызба, жүрек айнуы, құсу, іш өту, тамақ ауруы, бөртпе және т.б.) байқалса, дереу дәрігерге хабарлау керек.
Денсаулық сақтау министрлігі су тасқыны кезінде эпидемиологиялық жағдайды ерекше бақылауда ұсталатынына сендірді. Санитарлық-эпидемиологиялық қызметтің (СЭҚ) жұмысы күшейтілген режимге ауыстырылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
