"Еден жуушы болып жұмысқа тұру үшін пара беру. Мұндай сендерде ғана бар" - Назарбаев ОҚО әкіміне

Мемлекет басшысы Нұрсұлтан Назарбаев Оңтүстік Қазақстан облысының әкімі Жансейіт Түймебаевқа цифрландыруға қатысты жобаларды тезірек дамытуды тапсырды, - деп хабарлайды Tengrinews.kz тілшісі.

"Адамдарды бүгіннен бастап дайындамасаң, олар ертең қалып қалады. Ешқандай реніш болмауы қажет, әсіресе, жұмысқа алған кезде. Еден жуушы болып жұмысқа тұру үшін пара беріп жатыр. Басқа облыстарда мұндай жоқ, тек сендерге осындай жағдай болды", - деді Нұрсұлтан Назарбаев ОҚО әкімі Жансейіт Түймебаевқа.

"Сондықтан егер ашық түрде жұмыс істейтін болсаңыздар, әсіресе, жер учаскелерін бергенде, мектепке жұмысқа алғанда, емхана мәселесі бойынша мұндай жағдай болмайды. Әрине, халық көп, жұмыссыздық байқалады. Бірақ сіздер осы қалыпта жұмыс істей берсеңіздер, артта қалып қаласыздар", - деді Президент.