"Эйр Астана" ұшағы Франкфурттан Атырауға жете алмай, Оралға қонды

"Эйр Астана" әуекомпаниясының Франкфурттан ұшып шыққан ұшағы Атырауға жете алмай, шұғыл түрде Оралға қонды, - деп хабарлайды Tengrinews.kz тілшісі ҚР ИДМ Азаматтық авиация комитетіне сілтеме жасап.

"Эйр Астана" әуекомпаниясының Франкфурттан ұшып шыққан ұшағы Атырауға жете алмай, шұғыл түрде Оралға қонды, - деп хабарлайды Tengrinews.kz тілшісі ҚР ИДМ Азаматтық авиация комитетіне сілтеме жасап.

Ведомствоның мәліметінше, оқиға 21 желтоқсан түнде болған. "Сағат 22.40-та Франкфурт - Атырау бағытындағы ұшақ қозғалтқыштарының біріндегі ақау туралы хабарлады. Сағат 23.22-де А321 НЕО әуе кемесі Орал әуежайына қонды", - деді ведомстводағылар.

Лайнер бортында 64 жолаушы мен экипаждың сегіз мүшесі болған. Қазіргі таңда әуекомпания жолаушыларды Орал қонақүйлеріне орналастыру мәселесімен айналысып жатыр. Бұл дерекке қатысты тергеу басталды.