Екі жыл бұрын біреуден қарыз алған - ІІМ басшысы генерал-майор Біләлов туралы

Ішкі істер министрі Марат Ахметжанов Солтүстік Қазақстан облысы бойынша ҚАЖД бастығы міндетін атқарушы Берік Біләловке қатысты қылмыстық іс қарызына байланысты қозғалғанын айтты, - деп хабарлайды Tengrinews.kz тілшісі.

"Осыдан екі жыл бұрын ол (Біләлов. - еск.) біреуден қарыз алған. Қазір ІІМ Ішкі қауіпсіздік басқармасы соталды тергеп-тексерудің бірыңғай тізіліміне арызданушының Біләловтың одан ақша алып, қайтармағаны туралы өтінішін тіркеді. Объективті болуы үшін іс Сыбайлас жемқорлыққа қарсы қызметке берілді", - деді Ахметжанов Сенат кулуарында журналистердің сұрағына жауап беріп.

Еске салайық, ақпанның аяғында генерал-майор Берік Біләловке қатысты соталды тергеу жүріп жатқаны белгілі болды. Өтініш қаңтарда түскен. Прокурордың айтуынша, Біләлов 2021 жылы алаяқтық жолмен бөтеннің ақшасын иемденген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!