Екібастұз жылу электр орталығы мемлекет меншігіне қайтарыла ма?

ҚР Премьер-министрінің орынбасары - сауда және интеграция министрі Серік Жұманғарин Екібастұз жылу электр орталығын мемлекет меншігіне қайтару туралы сұраққа жауап берді, - деп хабарлайды Tengrinews.kz тілшісі.

Вице-премьер журналистердің сауалына жауап бере отырып, ЖЭО-ны мемлекет меншігіне қайтармас бұрын жағдайды сараптау керек екенін айтты.

"Мәселе талданып жатыр. Мұндай шешімдерді қабылдамас бұрын ондағы жағдайды зерттеу керек. Бұл мемлекетке шамадан тыс ауыртпалық болса, шын мәнінде нысанды өзімізге алып, иесіне сыйлық жасаймыз, оған қаржы саламыз. Біз алдымен жағдайды бірлесіп түзеу мәселесін қарастыруымыз керек", - ҚР Премьер-министрінің орынбасары - сауда және интеграция министрі Серік Жұманғарин

Сілтемесіз жаңалық оқисыз ба? Онда Telegram желісінде парақшамызға тіркеліңіз!