Екібастұз орталығында бірнеше метрге атқылаған судың видеосы тарады

Екібастұз орталығында атқылаған судың видеосы тарады, - деп хабарлайды Tengrinews.kz тілшісі.

Instagram желісінде видео пайда болды. Тұрғындар оқиға жылу желілерінде болғанын жазып жатыр. Олардың айтуынша, үйлеріне жылу бере бастағаннан кейін құбыр жарылған.

Алайда "Екібастұзжылуэнерго" ЖШС жағдайдың жылу желілеріне қатысы жоқ екенін мәлімдеді.

"Желіде тараған видеоға сәйкес, Мәшһүр Жүсіп көшесі, 50-үй бойындағы орамішілік суық су құбырында апат болғанын хабарлаймыз. Салдары жойылды", - деді энергетикалық компания өкілдері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!