Екібастұзға жаңа әкім тағайындалды

Екібастұзда қала әкімшілігіне жаңа басшы тағайындалды , - деп хабарлайды Tengrinews.kz тілшісі. Мәслихат депуттатары Қайрат Нүкеновтің кандидатурасын бірауыздан қолдады.

Ол бұл қызметке дейін Павлодар облысы Ақсу қаласының әкімі қызметін атқарған. Айта кетейік, 2010 жылдан бері Екібастұз қаласын Александр Федорович Вербняк басқарып келген еді.

Қайрат Теміршотұлы 1970 жылы 15 қыркүйекте Павлодар облысы Железинск ауданының Захаров ауылында дүниеге келген. Сібір мемлекеттік жол-көлік академиясын, П.А. Столыпин атындағы Ом мемлекеттік аграрлық университетін оқып бітірген, экономист және ғалым-агроном мамандықтарына ие.