Елбасы EXPO жайлы: Қазір бизнеске қолайлы кезең

Нұрсұлтан Назарбаев EXPO-2017 көрмесінің жағымды әсері жайлы атап өтті, - деп хабарлайды Tengrinews.kz тілшісі. Бұл туралы Елбасы "Хабар" арнасына берген сұхбатында айтты.

Астанада өтіп жатқан маңызды шара жайлы айта келе, Назарбаев көрменің арқасында көптеген адамның Қазақстан жайлы білгеніне тоқталды. "Бұл істің әсері (...), қаншама халық келді. Астананың барлық қонақүйі толып қалды. Бизнеске қазір қолайлы кезең. Адам көп, қонақүйлер толып қалған, сауық мекемелері де толы. Халық көп, олар келіп, бизнесті көтерді. Қала бюджетіне түсіп жатқан қаражат көбейді. Мұның барлығы да халыққа естелік ретінде қалады", - деп пікір білдірді Президент.

Еске салайық, осыған дейін Елбасы ішкі туризмді дамыту жайлы айтқан болатын.