Эльдар Күзенбаев еңбек және халықты әлеуметтік қорғау вице-министрі болды

2026 жылдың наурызынан бастап қазіргі уақытқа дейін Эльдар Күзенбаев Еңбекмині Көші-қон комитетінің төрағасы қызметін атқарды.

Эльдар Күзенбаев туралы не белгілі?

Эльдар Күзенбаев 1982 жылы Қостанай облысында дүниеге келген. А.Байтұрсынов атындағы Қостанай мемлекеттік университетін, М.Дулатов атындағы Қостанай инженерлік-экономикалық университетін бітірген.

Еңбек жолын 2002 жылы Қостанай облысы Соттар әкімшісі ұйымдастыру-талдау бөлімінің жетекші маманы болып бастаған.

2003-2004 жылдары - Қостанай облысы Соттар әкімшісі Қарабалық аудандық учаскесінің аға сот орындаушысы.

2004 жылы - Қостанай облысы Соттар әкімшісі Рудный аумақтық учаскесінің аға сот орындаушысы.

2004–2006 жылдары - Қостанай облысы Соттар әкімшісі атқарушылық іс жүргізуді ұйымдастыру және сот приставтарының қызметі бөлімінің бастығы.

2006 жылы - Қостанай облысы Әділет департаменті заңды тұлғаларды тіркеу бөлімінің бастығы.

2006–2008 жылдары - Қостанай облысы Әділет департаменті Қарабалық аудандық әділет басқармасының бастығы.

2008-2010 жылдары - Қостанай облысы Әділет департаменті Қостанай аудандық әділет басқармасының бастығы.

2010-2013 жылдары - Қостанай облысы Ұзынкөл ауданы әкімінің орынбасары.

2013-2018 жылдары - Қостанай облысы Сарыкөл ауданының әкімі.

2018-2019 жылдары - Қостанай облысы Арқалық қаласының әкімі.

2019-2021 жылдары - "Nur Otan" партиясы Қостанай облыстық филиалы төрағасының бірінші орынбасары.

2021-2022 жылдары - Қостанай облысы әкімі аппаратының басшысы.

2022-2023 жылдары - Президент Әкімшілігінің мемлекеттік инспекторы.

2023-2026 жылдары - Президент Әкімшілігі Мемлекеттік бақылау бөлімінің мемлекеттік инспекторы.