Еліміздегі ең қауіпті мамандықтар аталды

ҚР Еңбек және халықты әлеуметтік қорғау министрлігінің өкілдері өндірістік жарақаттану жағдайлары жиі кездесетін салаларды атады, - деп хабарлайды Tengrinews.kz тілшісі.

Ведомство өкілдерінің ресми сауалға жолдаған жауабында 2017 жылдың қорытындысы бойынша еліміздегі кәсіпорындарда 1678 адам зардап шегіп, олардың 244-і қаза болғаны айтылады.

Министрліктегілердің айтуынша, ең қауіпті мамандық - тау-кен-металлургиялық саласында. Сондай-ақ, 2018 жылдың 5 айында республикадағы кәсіпорындарда 579 адамның зардап шегіп, 70 адамның қаза болғаны айтылады.

"Жалпы елімізде жарақаттану жағдайлары азайды. Соңғы 5 жылда мұндай жағдайлар 16 пайызға азайды", -делінген ведомство жолдаған жауапта.