Елордада Талдыкөл су жинақтаушысын жою жобасы аяқталды

Елордада Талдыкөл су жинақтаушысын жою жобасы аяқталды, - деп хабарлайды Tengrinews.kz тілшісі қала әкімдігінің сайтына сілтеме жасап.

Қала әкімі Әсет Исекешев биыл Кіші Талдыкөл көлінің су деңгейін төмендету жұмыстары басталғанын хабарлады.

Әкімдіктің мәліметінше, алдағы уақытта осы ауданның ықпал ету аймағына инженерлік-геологиялық және гидрологиялық іздестіру жүргізіледі.

"Бұл жерде халық аралық тәжірибе де ескерілуде. Біздің ұсынысымыз бойынша Азия даму банкі 1 миллион доллар грант бөлді. Халықаралық және қазақстандық сарапшылар бірлесе отырып, су ресурстарын интеграциялық басқаруды, энергия үнемдейтін шешімдер мен технологиялар қолдануды ескере отырып мастер-жоспарын әзірлейді", - деді әкім. Айтуынша, бұл жер үсті және жер асты суларының мәселелерін кешенді реттеу үшін, сондай-ақ, жоспарлау және су ресурстарын тиімді басқаруды қамтамасыз етеді.

Айта кетейік, бүгін Астанада Елорда әкімдігінде Мемлекет басшысы Нұрсұлтан Назарбаевтың төрағалығымен Астананың даму мәселелері бойынша отырыс өтіп жатыр.