Эпидемия әлсіреп жатыр - Бекшин Алматыдағы коронавирус жағдайы туралы

Алматыда коронавирус эпидемиясы әлсіреп жатыр. Бұл туралы онлайн-брифинг барысында қаланың бас мемлекеттік санитар дәрігері Жандарбек Бекшин айтты, - деп хабарлайды Tengrinews.kz тілшісі.

"Жағдайдың жақсарып келе жатқаны анық. Мысалы соңғы айда көрсеткіш 4,2-ден 1,4-ке түскен. Сондай-ақ бізде базалық репродуктивті сандар бар - ол бір науқас қанша адамға жұқтырғанын көсетеді. Ауру көп тараған уақытта бұл көрсеткіш 4-ке жеткен. Яғни, бір науқас 4 адамға жұқтырған. Бүгінде бұл көрсеткіш 0,9-ға азайған. Бұл аурудың азайып, эпидемияның әлсіреп жатқанын көрсетеді", - деді Бекшин. 

Айта кетейік, Алматыда коронавирустың 1400 ошағы анықталды. Сондай-ақ эпидемиологтар науқастармен жақын байланыста болған 48 мың адамды анықтап, бақылауға алды. 

Еске салайық, Алматыда коронавирус жұқтырғандардың саны 13 170-ке жетті. Оның ішінде, 7965 адам аурудан айыққан, жалпы 164 адам қайтыс болған.   

Қазақстан жаңалықтары. Соңғы жаңалықтар. Telegram желісінде бізге жазыл!