Ертең Алматының бірнеше шағынауданында суық су сөндіріледі

Алматының Бостандық ауданының бір бөлігінде 18 сәуірде суық су өшіріледі, - деп хабарлайды Tengrinews.kz тілшісі.

"Алматы су" МКК мәліметінше, 18 сәуірде сағат 9:00-ден 18:00-ге дейін Бостандық ауданы аумағындағы Ә.Кекілбаев-Витебская-Гагарин-Левитан көшелерінде орналасқан, сонымен қатар «Бағанашыл-2», "Қазақфильм", "Нұр Алатау" шағынаудандарындағы тұрғын үйлер мен басқа да ғимараттарда суық су өшіріледі.

"Суық су қызметіне енгізілген шектеулер жаңа су құбырын магистральдық желілерге қосу үшін қажет", - делінген хабарламада.

Тоқтату кезінде денсаулық сақтау, білім беру және әлеуметтік саланың басқа да ғимараттарына автоцистерналар арқылы су беру ұйымдастырылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!