+7 (777) 001 44 99
Қазақша
Русский
English
29 наурыз 2019 | 09:14
Есжан Біртанов Ұлттық банк төрағасының орынбасары қызметіне тағайындалды
Есжан Біртанов Ұлттық банк төрағасының орынбасары болып тағайындалды, - деп хабарлайды Tengrinews.kz тілшісі Ақордаға сілтеме жасап.
ПОДЕЛИТЬСЯ
Есжан Біртанов Ұлттық банк төрағасының орынбасары болып тағайындалды, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысының Өкімімен Есжан Амантайұлы Біртанов Қазақстан Республикасы Ұлттық Банкі Төрағасының орынбасары қызметіне тағайындалды", - делінген хабарламада.
Есжан Біртанов "Бәйтерек" Ұлттық басқарушы холдингі" АҚ Басқарушы директоры ретінде 2018 жылдың қаңтарында тағайындалды, сол жылдың мамыр айында Директорлар кеңесінің шешімімен Холдинг Басқармасының құрамына кірді. Активтерді басқару және корпоративтік қаржы сұрақтарына жетекшілік етеді. Банк саласындағы және корпоративтік басқарудағы 20 жылдық өтілі бар.
2012-2018 жылдары "Қазақстан Республикасы Ұлттық банкінің Ұлттық инвестициялық корпорациясы" АҚ Басқарма Төрағасы, ҚР Ұлттық банкінің Төрағасы кеңесшісінің м.а.; ҚР Ұлттық банкінің Жоспарлау және бюджет департаменті директорының м.а., директоры, Директорлар кеңесінің мүшесі, "Қазақстан қор нарығы" АҚ Басқарма Төрағасы - Директорлар кеңесінің мүшесі, Standart Life Өмірді сақтандыру компаниясы» АҚ Директорлар кеңесінің мүшесіm тәуелсіз директоры қызметтерінде болды.
1998 жылдан бастап 2012 жылға дейін жетекші, бас дилер; сыртқы нарық бөлімінің басшысы; Дилингтік операциялар басқармасы басшысының орынбасары, басшысы; ҚР Ұлттық банкінің Монетарлық операциялар департаменті директорының м.а., директорының орынбасары болып жұмыс атқарды.
М.В.Ломоносов атындағы Мәскеу мемлекеттік университетін, Әл-Фараби атындағы Қазақ мемлекеттік ұлттық университетін, "Тұран" Университетін аяқтады.
Показать комментарии
Читайте также
