Ескерту жазылған SMS-хабарлама қазақстандықтарды күлдірді

Астана полиция департаментінің SMS-хабарламасы қазақстандықтарды күлдірді, - деп хабарлайды Tengrinews.kz тілшісі.

Үтірге байланысты хабарлама алаяқтарға үндеу тәрізді болып қалған. Сондай-ақ, қолданушыларды "Алаяқтар" сөзінің бас әріппен жазылғаны таңғалдырған.

Астана полициясы бұл хабарламаны түсіндірді. Олар Полиция департаменті атынан Астана тұрғындарына жіберілген SMS-хабарламада техникалық қате жіберілгенін мойындады.

"Қазіргі уақытта ол жойылды, ертең ұялы байланыс операторы қосымша хабарлама таратады. Бұл профилактикалық хабарлама және зиян сілтемелер арқылы алаяқтардың қауіпті айлалары туралы ескертеді", - деп түсіндірді елордалық полицияның баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!