Грант иегерлерінің тізімін қайдан және қашан көруге болады?

Білім және ғылым вице-министрі Бибігүл Асылова 2017 жылғы білім гранты иегерлерінің тізімі қашан шығатынын айтып берді, - деп хабарлайды Tengrinews.kz тілшісі. 

"Грант иеленгендердің тізімі бүгін шығады, Білім және ғылым министрлігі және Ұлттық тестілеу орталығының сайттарында. Дүйсенбіде "Казахстанская правда" және "Егемен Қазақстан" газеттері шығады. Бүгін Астанада ЖОО-ға түсу бойынша брифинг өтеді. БҒМ сайтында тізім түстен кейін шығады", - дейді Асылова үкімет отырысынан тыс жерде.  

Сонымен қатар тізім Tengrinews.kz сайтында да жарияланады. 

Биыл жаңа форматтағы ҰБТ 20 және 27 маусым аралығында 165 пункте өтті. БҒМ мәліметі бойынша, оған қатысу үшін 92 827 бітіруші өтініш берген. Нақты қатысқандар саны 88 583 адам.