+7 (777) 001 44 99
Қазақша
Русский
English
06 маусым 2024 | 14:23
Гүлмира Сатыбалдының соты: жәбірленуші жаңа мәлімдеме жасады
Алматының қылмыстық істер жөніндегі мамандандырылған ауданаралық сотында Гүлмира Сатыбалдыға қатысты сот отырысы жалғасып жатыр. Зардап шеккен кәсіпкер Абай Жүнісов сотталушымен ынтымақтасудың пайдасы неде болғанын айтты, - деп хабарлайды Tengrinews.kz тілшісі.
ПОДЕЛИТЬСЯ
Алматының қылмыстық істер жөніндегі мамандандырылған ауданаралық сотында Гүлмира Сатыбалдыға қатысты сот отырысы жалғасып жатыр. Зардап шеккен кәсіпкер Абай Жүнісов сотталушымен ынтымақтасудың пайдасы неде болғанын айтты, - деп хабарлайды Tengrinews.kz тілшісі.
Жүнісовтің айтуынша, Сатыбалды отбасының ықпалы оған бірлескен серіктестікте құрылыс келісімшарттарын алуға көмектескен.
"Гүлмира Сатыбалды Назарбаевтар әулетінің жақын мүшесі болды, шенеуніктермен қарым-қатынасы арқасында мол мүмкіндігі болды. Ол осы мүмкіндіктерді пайдаланды. Мысалы, зияткерлік мектептерді салуға "Ария-Жаңа Астана" компаниясына бір келісім-шарт алдық. Сол кезде, есімде, ол Қайрат Сатыбалдыұлына жүгінді, олар бірге премьер-министрдің орынбасарына барып, құрылысты біздің компания салуын өтінді. Мен мұны әкімшілік ресурс деп санаймын", - деді кәсіпкер.
Сондай-ақ, жәбірленуші Қайрат Сатыбалдыұлымен 2002 жылы оның шақыруымен Алматыға жұмысқа келгеннен бері араласқанын айтты. Ол кризис-менеджері ретінде шақырылған. Жәбірленушінің айтуынша, ол Қайрат Сатыбалдыұлымен ынтымақтастықтан ештеңе алмаған, соған қарамастан Гүлмира Сатыбалдымен бірлесіп құрылыс компаниясына иелік етуге келіскен.
Сатыбалдының қорғаушысы жәбірленушіден, неге тек 2021 жылы, үйқамақта ұстай бастағанына екі жыл өткен соң ғана сотқа барғанын сұраған кезде, адвокат ол кезде елде президент ауысқанын және Гүлмира Сатыбалдының отбасының ықпалы азайғанын айтты.
"Ештеңе болған жоқ. Мені Қайрат Сатыбалдыұлына апарған кезде ол өз мүмкіндіктерін көрсетті. Мен олардың ресурстары жеткілікті деп ойладым. Президент ауысса да, кез келген сұрақты айтуға ресурстар болды. Мен олардың президентке (Нұрсұлтан Назарбаевқа - еск.), президенттің отбасы мүшелеріне еркін шыға алатынына куә болдым", - деді жәбірленуші.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
