ХҚКО-лардың мамырдағы жұмыс кестесі жарияланды

Мамыр мерекелері кезіндегі ХҚКО және мамандандырылған ХҚО-лардың жұмыс кестесі жарияланды, - деп хабарлайды Tengrinews.kz "Азаматтарға арналған үкімет" мемлекеттік корпорациясына сілтеме жасап.

Мемлекеттік корпорация мәліметінше, 1, 7 және 9 мамырда барлық ХҚКО мен мамандандырылған ХҚО-лар, соның ішінде кезекші бөлімдер де жұмыс істемейді.

Бұл ретте 2 және 11 мамыр кезекші орталықтар жұмыс істейді. Бұл күндері халыққа қызмет көрсету орталықтары келушілерді сағат 09:00-ден 13:00-ге дейін қабылдайды.

Мамандандырылған ХҚКО-ларда өтініштерді қабылдау 12:00-ге дейін, дайын құжаттарды беру 13:00-ге дейін жүргізіледі.

Қалған күндері ХҚКО-лар әдеттегі режимде жұмыс істейді.

Демалысыңыз бен сапарларыңызды алдын ала жоспарлауыңыз үшін демалыс және жұмыс күндерінің толық күнтізбесін дайындадық.