+7 (777) 001 44 99
Қазақша
Русский
English
28 сәуір 2022 | 16:26
ИИДМ жеңілдетілген автонесие қашан іске қосылатынын айта алмады
Жеңілдетілген автонесие бағдарламасының басталу мерзімі туралы сұраққа Индустрия және инфрақұрылымдық даму министрлігі Индустриялық даму комитеті басшысының орынбасары Олжас Сапарбеков жауап бере алмады, - деп хабарлайды Tengrinews.kz тілшісі.
ПОДЕЛИТЬСЯ
Жеңілдетілген автонесие бағдарламасының басталу мерзімі туралы сұраққа Индустрия және инфрақұрылымдық даму министрлігі Индустриялық даму комитеті басшысының орынбасары Олжас Сапарбеков жауап бере алмады, - деп хабарлайды Tengrinews.kz тілшісі.
"Бағдарлама қашан іске қосылады, банктер өтінімдерді қашан қабылдап бастайды? Менің білуімше, банктер әлі қаражат алған жоқ", - деді журналист ОКҚ брифингінде.
"Біз өз тарапымыздан қаулыны пысықтадық, Үкімет бекітті. Қазіргі уақытта осы бағдарламаны іске асыру үшін "Жасыл даму" АҚ-дан қаражат беру рәсімі жүргізіліп жатыр. Бұл мәселе жақын арада шешіледі деп үміттенемін", - деді Сапарбеков.
Оның айтуынша, Үкімет қаулыны 15 сәуірде қабылдаған. Ол бағдарлама 100 миллиард теңге көлемінде жаңа автонесие бағдарламасын қаржыландыруды қарастырады.
Қазақстан автобизнес қауымдастығының вице-президенті Анар Мақашева қойылған сұраққа бағдарламада көптеген мәселелер бар деп жауап берді.
"Егер азамат осы бағдарлама бойынша автокөлік сатып алған болса, ол сол бағдарлама бойынша екінші көлікті тек 2 жылдан кейін сатып ала алады. Бағдарлама әзірленіп, нақты ережелер пысықталып жатыр, соңғы қорытынды кейінірек айтылады. Себебі нақты қандай банктер қаржыландырылады деген секілді мәселелер бар. Мұның бәрі анықталғаннан кейін, тағы бір брифинг өткізіп, тұтынушыларымызға қадамдық нұсқаулар беруге болады. Өндірушілердің өздері де сұранысты қамтамасыз ету үшін қазір осы бағдарламаға дайындалып жатыр", - деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
