ІІМ басшысы Тоқмәдидің ұсталуы жайында: Әзірше ештеңе айта алмаймын

Ішкі істер министрі Қалмұханбет Қасымов Алматыда ұсталған Мұратхан Тоқмәдидің ісіне қатысты еш пікір айтпады, - деп хабарлайды Tengrinews.kz тілшісі. 

"Алматыдағы ұстау бойынша. Бұл нақты қылмыстық істер, әзірше ол туралы ештеңе айта алмаймын. Қорытындысы шыққан кезде аласыздар... Сіздерге ҰҚК өкілдері жақын уақытта осыған қатысты ақпарат беретінін айтты ғой", - деді Қасымов. 

Еске салайық, мұның алдында Алматыда арнайы қызмет "Депутаттық корпус" атты қылмыстық топты ұстау бойынша операция өткізген. БАҚ-та шыққан ақпарат бойынша, бұл қылмыстық топты "ҚазШыныҚұрылыс" зауытының иесі Мұратхан Тоқмәди басқарған.