Жамбыл облысында 38 елді мекенді су басуы мүмкін

Жамбыл облысында өзендердегі су деңгейі күрт көтерілу қаупі бар, - деп хабарлайды Tengrinews.kz тілшісі "КТК" телеарнасына сілтеме жасап.

Телеарна мәліметіне сүйенсек, өңірде 38 елді мекен су астында қалуы мүмкін. Қазіргі уақытта құтқарушылар тобы тікұшақпен ең қауіпті өзендер мен су қоймаларын бақылап жүр. Талас өзенінің жағалауы әлі нығайтылмаған, Тараздың өзі де қауіпті аймақта.

"Бүгінде құмды аймақта қар әлі еріп бітпегені байқалады. Олар: Байзақ, Сарысу, Талас және Мойынқұм аудандары. Топырақтың қатуы Мойынқұм ауданы аумағында шамамен 40-50 сантиметр ғана. Онда минус 5-7 градус", - деді Жамбыл облысы ТЖД басқарма бастығы Омар Такеев.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!