Жамбыл облысында жер сілкінісі болды

Қазақстан ұлттық деректер орталығының жедел деректеріне сәйкес, жерасты дүмпулері 10 шілдеде Астана уақытымен сағат 00:59-да тіркелді. Жер сілкінісінің эпицентрі Тараздан оңтүстік-батысқа қарай 65 шақырым жерде орналасқан.

Жер сілкінісінің магнитудасы 4,5-ті құрады. Жер асты дүмпуінің сезілуі мен қираулар туралы ақпарат жоқ.

Еске сала кетейік, 4 шілдеде Тараз тұрғындары жер сілкінісін сезді. Қазақстандық сейсмологтардың ақпаратынша, жерасты дүмпулерінің есептік қарқындылығы 2 балл болды.