Жамбыл облысындағы ауылдардың бірінен тағы бір әуе бомбасы табылды

Жамбыл облысындағы ауылдардың бірінен тағы бір әуе бомбасы табылды, - деп хабарлайды Tengrinews.kz тілшісі облыстық полиция департаментінің баспасөз қызметіне сілтеме жасап.

22 ақпан күні сағат 14:30-да полицияға 29 жастағы жергілікті тұрғын хабарласқан. Ол Жамбыл облысы Байзақов ауданы Ақжар ауылынан 15 шақырым жердегі бұрынғы әскери полигон аумағынан снаряд табылғанын айтқан.

Фото: Жамбыл облысы ПД

"Оқиға орнына келген саперлер снарядты зерттеп, оның "ОФАБ-100" үлгісіндегі жарылғыш-фугасты авиациялық бомба екенін анықтады", - делінген хабарламада.

Зерттеуден кейін саперлар бомбаны залалсыздандыру үшін Жамбыл облысы Айша бибі ауылындағы полигонға алып кеткен.

Фото: Жамбыл облысы ПД

Сілтемесіз жаңалық оқисыз ба? Онда Telegram желісінде парақшамызға тіркеліңіз!